دَپرَم و اولوسال کيمليگيميز
صفوي دؤولتي قورولدوغو گوندن بري ايران جوغرافيياسيندا ياشايان تورکلر فارس کيمليگي يولوندا يئم ائديلميشلر. فارس ميللييتچيليگي نين سياسي پلاني اولان قيزيلباشليق صفوي دؤولتيني تاسيس ائتديگي گوندن بري ايراندا تورک فارسين قوللانديغي آراجا دؤنوشموشدور. قوللانيلديقجا دا فارسا و ايراني کيملييه يارارلي اولوشوندان ممنون قالميشدير. 500 ايلليک زامان آخيشي ايچينده فارس عيرقچيليگي نين ايدئولوژيسي اولان قيزيلباشليق يازيسي-اوخوماسي اولمايان تورکون بيلينجالتيني آنلامسيز نيفرتله دولدورموشدور. تورک، صفوي-قيزيلباش جاميلرينده ابوبکيره، عؤمره، عوثمانا، موعاوييه يه، عآييشه يه، يزيده لعنت گؤندرمکدن باشقا هئچ بير دويقو و دوشونجه اورتمه ميشدير. ديلي و باشقا کيمليک عونصورلري بو، ايچيني نيفرتله دولدورما سورجينده سيلينيب يوخ ائديلميشدير. قيزيلباشليق بلاسي آذربايجان و ايران جوغرافيياسيندا ايلک معنوي دپرم اولموشدور. شاه ايسماعيل دپرمي تورکون تاريخي خاطيره لري نين بؤيوک بير بؤلومونو تخريب ائتميش، سونرا دا يوردلاريني آنادولونون بوزقيرلاريندا بوراخيب آذربايجانا سوخولان قيزيلباشلاري آذربايجانين و ايرانین سوسوز چؤللرينه يئرلشديرميشدير. ايراندا و آزربايجاندا ياشايان تورکلرين تاريخينده فاجيعه تؤره دن ايلک دپرم قيزيلباشليغين ايقتيدارا گليشي اولموشدور. بو دپرم داها سونراکي دپرملرين آلتياپيسيني حاضيرلاميشدير. ايکينجي دپرم صفوي-قيزيلباش گتيريسي اوزرينده قورولان پهلوي رئژيمي اولموشدور. ايلک دپرمده شاه ايسماعيل اون مينلرجه تورک قتل ائتديسه، ايکينجي دپرمده ده شاه ايسماعيلين سويوندان و معنوي ميراثي نين واريثي اولان پهلوي رئژيمي تام اولاراق تورکلوگو ايراندان، اؤزلليکله ده آذربايجاندان سيلمک ايسته دي. 20-جي يوزايلده دونيا اؤلکه لري خيزلا گليشرکن تورکلرين فقير و يوخسول قالمالاري، ايلکل ايمکانکارلا ياشامالاري اوچون هر ايشي ائتديلر. تورک يا فقير قالدي، يا دا فارسلاشدي. صفوي-قيزيلباشليق اوچونجو يول بوراخماميشدي. صفويليگين تؤرتديگي اوچونجو دپرم خومئينيزم اولدو. خومئيني تام آنلامي ايله صفويليگين و قيزيلباشليغين مودئرن شکلي کيمي قورخونج بير دپرمله اورتايا چيخدي. قيزيلباشليق سيستئمي طرفيندن شخصييتسيزلشديريله رک موللالارين الينده تقليد ائدن جانلي آراجلارا دؤنوشدورولن تورکلر کؤنوللو اولاراق خومئيني نين امري اوزرينه عيراق ساواشيندا اؤلدولر. يوزمينلرجه تورک، هم ده يوخسول و فقير تورکلر اؤلدو. آنجاق تورکون ياشاميندا هئچ بير ايره ليله مه اولوشمادي. کندلرينه يول چکيلمه دي، ائولري دپرمه داياناقلي بيچيمده ياپيلمادي. سئل گلديگينده تورکون وارليغيني سؤکوب آپاردي، کيچيک بير دپرم گلديگينده تورک تورپاق آلتيندا قالدي. تورکون معنويياتيندا گئرچکلشميش اولان ايلک قيزليباش دپرمي بو دپرملر اوچون مئيدان آچميشدير.
کئچن گونلرده ورزيقان و قاراداغدا کيچيک بير دپرم اولدو. کندلرين مرکزينده ياپيلميش اولان جاميلر ضرر بيله گؤرمه دي. بو جاميلر تورکلري جاهيلليکده و يوخسوللوقدا ساخلايان قارانليق مکانلاردير. حارام پارالارلا یاپیالیغیندان حضرت محمدين ضيرار مسجيديني ييخديغي کيمي بو جاميلرده چيرکين نييتلر اوچون ياپيلديغيندان ييخيلماليدير اصلینده. صفوي-قيزلباش ميراثي اولان بو قارانليق ساچان يووالار دپرملرين ندنلريندن بیری. بيلينجي قاپاتيلميش اولان تورک بو يوللا داها دا کيچيک بلالر قارشيسيندا يوخ اولاجاقدير. اوچماغا حاضير اولان داخمالار ايسه، اوچوب تورک ياورولارينین باشينا تؤکولدو. تورپاق آلتيندا قالان تورکون قورتولوشو اوچون دؤولتي ايشغال ائتميش اولان قيزيلباشليق ايدئولوژيسي هئچ بير ايش ائتمه دي. قيزيلباش-خومئيني گؤروشونه گؤره تورک تاريخدن سيلينمه ليدير. بو دپرم مينلرجه اينسانيميزي اؤلدوردو. قورخونج بير تابلووو دا گؤزلر اؤنونه سردي. اوچان ائولرين گؤرونتوسو گؤستردي کي، بير کند عايله سي نين ماددي ايمکانلاري 100 دولار دَيَرينده بيله دئييلميش. يوخسوللوغون و بدبختليگين ايچينده جان چکيشن تورک ياورولاريميزي کيچيک بير دپرم محو ائتدي. بونلار ايسه، ايشين ظاهيري طرفيدير. بيز آذربايجان و ايراندا ياشايان تورکلر اولاراق ايلک، شاه ايسماعيل آدلي ساپیق دييوثون تؤرتديگي دپرمين آلتيندا قالميشيق. بيز صفوي-قيزيلباش دپرمي آلتيندا قالميش و جان چکيشمکده یيک. کيمليگيميز صفوي-قيزيلباش وحشيليگي نين تؤرتديگي دپرمين آلتيندا قالميشدير. پهلوی، خومئینی و ورزیقان دپرملری صفوی دپرمی نین اوزانتیسی....
16.08.2012
